बारामती प्रभात न्यूज

सोमेश्वर साखर कारखाना स्वतंत्र निवडणूक लढणार - पुरुषोत्तम जगताप ; अंतिम यादी जाहीर. श्री. सोमेश्वर सहकारी साखर कारखाना लि., सोमेश्वरनगर ता. बारामती संचालक मंडळ पंचवार्षिक निवडणूक सन २०२६–२०३१ लोकनेते अजितदादा सोमेश्वर विकास पॅनल पुरस्कृत श्री. पुरुषोत्तम रामराजे जगताप अंतिम यादी गट नं. १ : निंबूत – खंडाळा १. श्री. काकडे महेश काशिनाथ — निंबूत २. श्री. थोपटे संतोष पोपटराव — पिंपरे ३. श्री. घाडगे संभाजी मुगुटराव — पिंपरे बु. गट नं. २ : मुरूम – वाळ्हा १. श्री. जगताप पुरुषोत्तम रामराजे — वाणेवाडी २. श्री. संकुडे सतीश रामचंद्र — वाघळवाडी ३. श्री. गायकवाड वैभव अशोक — करंजेपूल गट नं. ३ : होळ – मोरगाव १. श्री. होळकर अमर आनंदाव — सदोबाचीवाडी २. श्री. भापकर राहुल दत्तात्रय — लोणी भापकर ३. श्री. दरकेर संतोष ज्ञानदेव — वडगाव निंबाळकर गट नं. ४ : को-हाळे – सुपा १. श्री. खलाटे सचिन जवाहर — लाटे २. श्री. खोमणे गोरख बाबुराव — को-हाळे खु. ३. श्री. जगताप अनिल नारायण — जळगाव सुपे गट नं. ५ : मांढकी – जवळार्जुन १. श्री. जगताप विश्वास लक्ष्मण — मांढकी २. श्री. धुमाळ शामराव तुकाराम — जेऊर ३. श्री. ...

सोमेश्वर कारखाना निवडणुकीला नवे वळण. विद्यमान अध्यक्ष पुरुषोत्तम जगताप यांचे स्वतंत्र पॅनेल; संजय जगताप यांची साथ सोमेश्वरनगर : प्रतिनिधी बारामती तालुक्यातील सोमेश्वर सहकारी साखर कारखान्याच्या पंचवार्षिक निवडणुकीत विद्यमान अध्यक्ष पुरुषोत्तम जगताप यांनी स्वतंत्र भूमिका घेत स्वतंत्र पॅनेल उभारण्याची घोषणा केली आहे. पुरंदरचे भाजप नेते व माजी आमदार संजय जगताप यांच्या उपस्थितीत वाणेवाडी येथे झालेल्या कार्यकर्ता मेळाव्यात ही भूमिका जाहीर करण्यात आली. या घडामोडीमुळे कारखाना निवडणुकीतील राजकीय हालचालींना वेग आला आहे. � Politics News on Sarkarnama +1 जगताप यांनी आपली भूमिका पक्षविरहित निवडणूक लढण्याची असून, शेतकरी हाच आपला पक्ष आहे, असे सांगितले. कारखाना हा शेतकऱ्यांच्या प्रपंचाशी जोडलेला असल्याने स्वार्थ न ठेवता कारखाना सांभाळण्याची क्षमता असलेली अनुभवी व सक्षम माणसे संचालक मंडळात असावीत, अशी भूमिका त्यांनी मांडली. अजित पवार यांच्या नेतृत्वाखाली यापूर्वी निवडणुका लढवल्याचा उल्लेख करत जगताप यांनी, अजित पवार यांच्या विचारांशी संबंधित काम पुढेही सुरू ठेवण्याची भूमिका व्यक्त केली. संज...

पाणीपुरवठा विहिरीवरील विद्युत केबल चोरीचा प्रयत्न; करंजे गावचा पाणीपुरवठा विस्कळीत. सोमेश्वरनगर : प्रतिनिधी बारामती तालुक्यातील निंबूत परिसरात काही दिवसांपूर्वी तीन शेतकऱ्यांच्या विद्युत केबल चोरीची घटना घडलेली असतानाच आता करंजे ग्रामपंचायतीच्या पाणीपुरवठा विहिरीवरील विद्युत केबल चोरून नेण्याचा प्रयत्न झाल्याचे समोर आले आहे. चोरट्यांनी विद्युत केबल कट करून ती चोरून नेण्याचा प्रयत्न केला; मात्र केबल विहिरीत पडल्याने काही प्रमाणात हाताला आलेली केबल नेली तर काही हाताला न आल्याने त्यांचा प्रयत्न फसला. या घटनेमुळे करंजे गावच्या पाणीपुरवठ्यावर परिणाम झाला असून नागरिकांची गैरसोय होण्याची शक्यता निर्माण झाली आहे. सार्वजनिक पाणीपुरवठा यंत्रणेवरील विद्युत केबल चोरीचा प्रयत्न झाल्याने ग्रामस्थांमध्ये चिंता व्यक्त होत आहे. निंबूतमधील केबल चोरीनंतर आता करंजे येथेही अशी घटना घडल्याने परिसरातील केबल चोरीचे प्रकार थांबण्याची गरज निर्माण झाली आहे. सार्वजनिक पाणीपुरवठा व्यवस्था आणि शेतकऱ्यांच्या विद्युत साधनांना लक्ष्य करणाऱ्या चोरट्यांचा बंदोबस्त करण्यासाठी पोलीस प्रशासनाने गस्त वाढवून संबं...

शेतकरी अस्मानी संकटात; चोरट्यांकडून सुलतानी घाला! निंबूतमधील तीन शेतकऱ्यांच्या विद्युत केबल चोरी; शेतीच्या सिंचनाचा प्रश्न ऐरणीवर निंबूत-सोमेश्वरनगर : प्रतिनिधी अस्मानी संकटांमुळे आधीच आर्थिक अडचणीत सापडलेल्या शेतकऱ्यांच्या अडचणीत आता विद्युत केबल चोरीच्या घटनांनी भर पडली आहे. निंबूत परिसरातील तीन शेतकऱ्यांच्या विद्युत मोटार पंपाच्या केबल अज्ञात चोरट्यांनी चोरून नेल्याची घटना समोर आली असून, त्यामुळे शेतकऱ्यांसमोर शेतीला पाणी देण्याचा प्रश्न निर्माण झाला आहे. निंबूत परिसरात गेल्या काही वर्षांपासून विद्युत मोटार पंप तसेच केबल चोरीच्या घटना घडत असल्याने शेतकरी वर्गात चिंतेचे वातावरण आहे. चोरी झाल्यानंतर नवीन केबल व विद्युत साहित्य खरेदी करण्यासाठी शेतकऱ्यांना अतिरिक्त आर्थिक भुर्दंड सहन करावा लागत आहे. आधीच शेतीमालाला मिळणारे दर, वाढता उत्पादन खर्च आणि नैसर्गिक संकटांमुळे आर्थिक अडचणीत असलेल्या शेतकऱ्यांसमोर चोरीच्या घटनांमुळे नवे संकट उभे ठाकले आहे. यापूर्वी वडगाव निंबाळकर पोलीस ठाण्याचे तत्कालीन पोलीस निरीक्षक नागनाथ पाटील तसेच करंजेपूल पोलीस चौकीचे पोलीस उपनिरीक्षक राहुल सा...

बेचाळीस संशोधन प्रकल्पांचे सादरीकरण; विद्यार्थ्यांना संशोधनासाठी मिळाले व्यासपीठ. सोमेश्वरनगर : बारामती तालुक्यातील मु.सा. काकडे महाविद्यालय, सोमेश्वरनगर येथे सावित्रीबाई फुले पुणे विद्यापीठाच्या मार्गदर्शक सूचनांनुसार महाविद्यालयीन स्तरावरील आविष्कार संशोधन स्पर्धा उत्साहात संपन्न झाली. या स्पर्धेत महाविद्यालयातील विद्यार्थ्यांनी तब्बल ४२ संशोधन प्रकल्प सादर केले. नावीन्यपूर्ण उपक्रमातून विद्यार्थ्यांमधील संशोधनवृत्तीला चालना मिळावी आणि तरुण संशोधकांना आपल्या नावीन्यपूर्ण कल्पना व संशोधन प्रकल्प सादर करण्यासाठी व्यासपीठ उपलब्ध व्हावे, हा या स्पर्धेचा उद्देश होता. स्पर्धेचे उद्घाटन सावित्रीबाई फुले पुणे विद्यापीठाच्या वाणिज्य व व्यवस्थापन शाखेचे अधिष्ठाता प्रा. डॉ. धनंजय मंडलिक यांच्या हस्ते झाले. यावेळी त्यांनी आपल्या मनोगतात चाणक्यनीती व मानवी मूल्यांची सांगड घालत संशोधनाचे मानवी जीवनातील महत्त्व स्पष्ट केले. स्पर्धेच्या अध्यक्षस्थानी सावित्रीबाई फुले पुणे विद्यापीठाच्या आविष्कार संशोधन स्पर्धा समितीचे अध्यक्ष तथा महाविद्यालयाचे प्राचार्य डॉ. देविदास वायदंडे होते. त्यांनी...

'सेवा संकल्प अभियानातून सेवा, सुशासन आणि लोकसहभागातून ग्रामविकासाचा संदेश गावागावात पोहोचविण्याचा प्रयत्न- गट विकास अधिकारी. बारामती :  प्रशासन आणि सामान्य नागरिक यांच्यातील संवाद अधिक दृढ करण्याच्या उद्देशाने राबविण्यात येणाऱ्या सेवा संकल्प अभियानाला तालुक्यात उत्स्फूर्त प्रतिसाद मिळत असून या माध्यमातून सेवा, सुशासन आणि लोकसहभागातून ग्रामविकासाचा संदेश गावागावात पोहोचविण्याचा प्रयत्न सुरू आहे, अशी माहिती गट विकास अधिकारी किशोर माने यांनी कळविली आहे. शाळांमधील विद्यार्थ्यांचा उत्स्फूर्त सहभाग, ग्रामपंचायतींचे सक्रिय योगदान आणि पंचायत समितीच्या विविध विभागांच्या माध्यमातून राबविण्यात येणारे विविध उपक्रम यामुळे ‘सेवा संकल्प अभियान’ला बारामती तालुक्यात व्यापक प्रतिसाद मिळत आहे. मानवी रांगोळी, आरोग्य शिबिरे, महिला आरोग्य व स्वच्छता जनजागृती, पोषण मार्गदर्शन, योगसाधना, वृक्षारोपण, शासकीय दाखल्यांचे वाटप, अंगणवाडी उत्सव तसेच श्रमदान आणि लोकसहभाग अशा विविध उपक्रमांतून अभियानाला लोकचळवळीचे स्वरूप प्राप्त होत असल्याचेही त्यांनी कळविले आहे. 

ठरावाची होळी करून सर्वपक्षीय पदाधिकाऱ्यांचा निषेध; शेतकऱ्यांना बाजाराची सुविधा सुरू ठेवण्याची मागणी बारामती : बारामती शहरातील गणेश मार्केट परिसरातील गुरुवारचा आठवडे बाजार बंद करण्याच्या नगरपरिषदेच्या निर्णयावरून विरोध वाढला आहे. नगरपरिषदेच्या ठरावाविरोधात शिवसेना (उद्धव बाळासाहेब ठाकरे) गटाच्या वतीने आंदोलन करण्यात आले. या आंदोलनात काँग्रेस, राष्ट्रवादी काँग्रेस (शरदचंद्र पवार) आणि महाराष्ट्र नवनिर्माण सेना यांच्या पदाधिकाऱ्यांनीही सहभाग घेतला. बारामती नगरपरिषदेच्या सर्वसाधारण सभेतील ठराव क्रमांक ६२ नुसार गणेश भाजी मंडई व सूर्यनगरी येथील आठवडे बाजार बंद करण्याचा निर्णय घेण्यात आल्याचे उपलब्ध वृत्तांत नमूद आहे. गुरुवारी भरणाऱ्या बाजारात शेतकरी व विक्रेते भाजीपाला विक्रीसाठी आणतात. बाजार बंद करण्याच्या निर्णयामुळे शेतकरी व छोट्या विक्रेत्यांच्या व्यवसायावर परिणाम होण्याची शक्यता असल्याचा आक्षेप आंदोलनकर्त्यांनी घेतला आहे.  शिवसेना (उद्धव बाळासाहेब ठाकरे) गटाचे उपजिल्हाप्रमुख बाळासाहेब शिंदे यांच्या नेतृत्वाखाली नगर परिषद कार्यालयासमोर निषेध आंदोलन करण्यात आले. यावेळी संब...

तालुकास्तरीय कुस्ती व तायक्वांदो स्पर्धेत सोमेश्वर इंग्लिश मीडियम स्कूलचे यश. सोमेश्वरनगर (विनोद गोलांडे) बारामती तालुक्यातील सोमेश्वरनगर येथील विद्या प्रतिष्ठान्स सोमेश्वर इंग्लिश मीडियम स्कूलच्या विद्यार्थ्यांनी तालुकास्तरीय कुस्ती व तायक्वांदो स्पर्धेत उल्लेखनीय कामगिरी करत शाळेच्या शिरपेचात मानाचा तुरा खोवला आहे.  तालुकास्तरीय कुस्ती स्पर्धा २०२६ मधील कुस्ती स्पर्धेत शाळेच्या विद्यार्थिनींनी उत्कृष्ट कामगिरी केली तनुष्का शिवाजी भुजबळ, इयत्ता १० वी, १७ वर्षांखालील गटातील ५७ किलोपेक्षा कमी वजन गटात प्रथम क्रमांक मिळवत सुवर्णपदक पटकावले,समृद्धी प्रविण सावंत, १४ वर्षांखालील गटातील ३० किलोपेक्षा कमी वजन गटात प्रथम क्रमांक मिळवत सुवर्णपदकाची मानकरी ठरली.या दोन्ही विद्यार्थिनींची जिल्हास्तरीय कुस्ती स्पर्धेसाठी निवड झाली आहे. तसेच तालुकास्तरीय तायक्वांदो स्पर्धा २०२६ जिल्हा क्रीडा संकुल, बारामती नुकत्याच झालेल्या  तायक्वांदो स्पर्धेतही शाळेच्या विद्यार्थ्यांनी दमदार कामगिरी केली यामध्ये तन्मय रेवन्नाथ होळकर, इयत्ता ९ वी, १७ वर्षांखालील गटातील ६८ ते ७३ किलो वजन गटात प्...

गणेश विसर्जन मिरवणुकीदरम्यान अश्लील हावभाव, बिभस्त नृत्य आणि पोलिसांनी दिलेल्या सूचनांचे उल्लंघन; ७ जणांविरुद्ध गुन्हा दाखल सोमेश्वरनगर :  बारामती तालुक्यातील वडगाव निंबाळकर पोलीस स्टेशन हद्दीत बुधवार दि २३ रोजी ९  च्या सुमारास मतकर वस्ती, माळशिकारेवाडी, कोहाळे बुद्रुक, ता. बारामती येथे श्री साई समर्थ तरुण मंडळ, माळशिकारेवाडी, कोऱ्हाळे  बुद्रुक या सार्वजनिक गणेशोत्सव मंडळाच्या गणेश विसर्जन मिरवणुकीदरम्यान नियमांचे उल्लंघन केल्याप्रकरणी सात जणांविरुद्ध गुन्हा दाखल करण्यात आला आहे. विसर्जन मिरवणुकीदरम्यान ट्रॅक्टर क्र. MH 42 Q 2644 व त्यास जोडलेल्या चारचाकी ट्रॉली क्र. MH 42 BS 2120 मध्ये डॉल्बी संगीताच्या तालावर महिला नृत्यांगणांकडून सार्वजनिक ठिकाणी अश्लील हावभाव,  अंगविक्षेप व बिभस्त नृत्य करण्यात येत असल्याचे निदर्शनास आले. तसेच सदर प्रकारास मंडळाचे पदाधिकारी व संबंधित व्यक्तींकडून प्रोत्साहन देण्यात आल्याचे फिर्यादीत नमूद आहे. विसर्जन मिरवणुकीच्या अनुषंगाने मंडळाच्या अध्यक्षांना भारतीय नागरिक सुरक्षा संहिता,2023 चे कलम 168 अन्वये देण्यात आलेल्या नोटीसम...

गुन्हेगारी कारवायांना आळा घालण्यासाठी बारामती तालुक्यातील ४ इसमांना २ वर्षांसाठी हद्दपार. सोमेश्वरनगर - बारामती तालुक्यातील सुपा पोलीस ठाणे हद्दीतील गुन्हेगारी पार्श्वभूमी असलेल्या ४ इसमांविरुद्ध महाराष्ट्र पोलीस अधिनियम, १९५१ चे कलम ५५ अन्वये हद्दपारीची कारवाई करण्यात आली आहे. सुपा पोलीस ठाणेकडून सादर करण्यात आलेल्या हद्दपार प्रस्ताव क्र. ०१/२०२५ अनुषंगाने पुणे ग्रामीणचे पोलीस अधीक्षक यांनी दिनांक २१/०९/२०२६ रोजी आदेश पारित करून खालील इसमांना २४ महिने (२ वर्षे) कालावधीसाठी संबंधित हद्दीतून हद्दपार केले आहे. त्यांची नावे खालील प्रमाणे. 1. वैभव तुकाराम शेलार, वय ३२ वर्षे, रा. नाईकवाडी, मगरवाडी, ता. बारामती, जि. पुणे. 2. किरण मारुती गायकवाड, वय २५ वर्षे, रा. नाईकवाडी, मगरवाडी ता. बारामती, जि. पुणे. 3. अनिकेत प्रदीप काळे, वय २८ वर्षे, रा. देऊळवाडी, करंजे, ता. बारामती, जि. पुणे. 4. अमोल पोपट गायकवाड, वय ३४ वर्षे, रा. गायकवाडवस्ती, मगरवाडी ता. बारामती, जि. पुणे. सदर इसमांविरुद्ध दाखल असलेल्या गुन्ह्यांच्या अभिलेखाचा विचार करून तसेच सुनावणीची प्रक्रिया पूर्ण केल्यानंतर ही कारवाई ...

सोमेश्वरनगर ! सोमेश्वरने स्विकारला राष्ट्रीय सहकारी साखर संघाचा देशपातळीवरील तांत्रिक कार्यक्षमतेचा पुरस्कार सोमेश्वरनगर प्रतिनिधी : बारामती तालुक्यातील श्री सोमेश्वर सहकारी साखर कारखान्यास राष्ट्रीय सहकारी साखर कारखाना संघ लि.नवी दिल्ली या संस्थेचा सन २०२४-२०२५ चा देशपातळीवरील ‘तांत्रिक कार्यक्षमतेचा’ तृतीय क्रमांकाचा पुरस्कार दिनांक २२/०९/२०२६ रोजी केंद्रीय दळणवळण व वाहतूक मंत्री मा. ना. नितीन गडकरी यांच्या हस्ते वितरित करण्यात आला. सदर कार्यक्रमास केंद्रीय सहकार राज्यमंत्री श्री कृष्ण पाल (गुर्जर), महाराष्ट्राचे सहकार मंत्री मा. ना. बाबासाहेब पाटील, माजी सहकारी मंत्री बाळासाहेब पाटील, माजी मंत्री तथा राष्ट्रीय संघाचे अध्यक्ष हर्षवर्धन पाटील तसेच झारखंड, गुजरात, पंजाब या राज्यांचे सहकार मंत्री व इतर मान्यवर उपस्थित होते. देशभरातील सहकारी साखर कारखान्यांना नवी दिल्ली येथील डॉ. आंबेडकर इंटरनॅशनल सेंटर येथे आयोजित केलेल्या भव्य कार्यक्रमामध्ये पारितोषिक वितरण समारंभ आयोजित करण्यात आला होता. कारखान्याच्या वतीने कार्यकारी संचालक राजेंद्र यादव, वर्क्स मॅनेजर नारायण नायकवडे व ची...

शेतकऱ्यांना जास्तीत जास्त मदत मिळवून देणार – कृषी मंत्री दत्तात्रय भरणे पिकांच्या नुकसानीचे पंचनामे तातडीने पूर्ण करण्याचे आदेश बारामती /सोमेश्वरनगर : राज्यात निर्माण झालेल्या दुष्काळसदृश परिस्थितीकडे शासन अतिशय गांभीर्याने पाहत आहे. मा. मुख्यमंत्र्यांनी आजपासूनच पंचनामे करण्याचे आदेश दिले असून, येत्या तीन दिवसांत शेतकऱ्यांच्या मदतीसंदर्भातील पहिली अधिसूचना निघणार आहे. त्यामुळे शेतकऱ्यांनी काळजी करण्याचे कारण नाही. कोणत्याही परिस्थितीत शासन शेतकऱ्यांना वाऱ्यावर सोडणार नाही. झालेल्या नुकसानीसाठी निधीची कमतरता पडू देणार नाही. शेतकऱ्यांना जास्तीत जास्त मदत मिळवून देण्यासाठी शासन कटिबद्ध आहे. तसेच पिण्याचे पाणी आणि जनावरांच्या चाऱ्यासाठीही आवश्यक नियोजन करण्यात आले आहे,” असे कृषिमंत्री दत्तात्रय भरणे यांनी सांगितले. पुणे जिल्ह्यातील दौंड, बारामती आणि इंदापूर तालुक्यांच्या दौऱ्यावर असताना कृषिमंत्री भरणे यांनी देऊळगाव, मोरगाव, मुर्टी, नावळी आणि कोळविहीरे या गावांना भेट देऊन प्रत्यक्ष शेतकऱ्यांच्या बांधावर जाऊन पिकांची तसेच पाणी परिस्थितीची पाहणी केली. यावेळी  आमदार राहुल कुल...

घरगुती वीज ग्राहकांनी ‘स्मार्ट सोलर’ योजनेचा लाभ घ्यावा – दिग्विजय ठोंबरे बारामती  : घरगुती वीज ग्राहकांमध्ये सौरऊर्जेचा वापर वाढविण्यासाठी राबविण्यात येणाऱ्या ‘स्वयंपूर्ण महाराष्ट्र आवासीय रूफटॉप सोलार (स्मार्ट) योजनेचा’ पात्र ग्राहकांनी लाभ घ्यावा, असे आवाहन महावितरणचे सहायक अभियंता दिग्विजय ठोंबरे यांनी केले. साने गुरुजी तरुण मित्र मंडळ, आमराई येथे माहिती व जनसंपर्क विभागामार्फत आयोजित ‘लोकसंवाद’ कार्यक्रमात त्यांनी नागरिकांना योजनेची माहिती दिली. केंद्र सरकारच्या पीएम सूर्यघर योजनेशी संलग्न असलेल्या या योजनेअंतर्गत पात्र घरगुती ग्राहकांना छतावर सौरऊर्जा प्रकल्प उभारण्यासाठी केंद्रीय आर्थिक सहाय्य मिळते. १ व २ किलोवॅट क्षमतेसाठी प्रति किलोवॅट ३० हजार रुपये, तर ३ किलोवॅटपर्यंतच्या अतिरिक्त क्षमतेसाठी प्रति किलोवॅट १८ हजार रुपये केंद्रीय सहाय्य उपलब्ध आहे. त्यामुळे ग्राहकांचा सौर प्रकल्प उभारणीवरील आर्थिक भार कमी होण्यास मदत होते. सौर प्रकल्प उभारल्यानंतर पाच वर्षे त्याच्या देखभालीची जबाबदारी महावितरणमार्फत नियुक्त सेवा पुरवठादाराकडे राहते. पात्र ग्राहकांनी अधिकृत प्रक...

"पार्वती भजनी मंडळ" वतीने गणेशोत्सवनिमित्त विविध ठिकाणी अथर्वशीर्ष पठण, भजन व कीर्तनामुळे भक्तमय वातावरण. सोमेश्वरनगर : गणेशोत्सवानिमित्त घराघरात गणरायाचे मोठ्या उत्साहात आणि आनंदात आगमन झाले आहे. गणपती बाप्पाच्या स्वागतासाठी नागरिकांनी घरांची आकर्षक सजावट करत भक्तिमय वातावरण निर्माण केले आहे. गणेशोत्सवाच्या काळात पार्वती भजनी मंडळ करंजे यांनी विविध ठिकाणी गणेश मंडळ व भजनी मंडळातील प्रत्येक घरी अथर्वशीर्ष पठण, भजन, कीर्तन तसेच धार्मिक कार्यक्रमांचे आयोजन भजनी मंडळातील सर्व महिला वर्ग एकत्र येत करण्यात येते. सकाळ-संध्याकाळ गणरायाची आरती, पूजा आणि नामस्मरणाने परिसर भक्तिमय झाला आहे. लहानांपासून ज्येष्ठांपर्यंत सर्वजण उत्साहाने गणेशोत्सव साजरा करत असून,“गणपती बाप्पा मोरया, मंगलमूर्ती मोरया”च्या जयघोषाने परिसर दुमदुमून जात आहे. घराघरात गणरायाच्या आगमनामुळे आनंद, उत्साह आणि भक्तीचे वातावरण पाहायला मिळत आहे.

बारामती ! तांदूळवाडीत ‘श्री गणेशा आरोग्याचा’ अभियानांतर्गत आरोग्य तपासणी शिबिर संपन्न  बारामती (विनोद गोलांडे) : महाराष्ट्र शासनाचा उपक्रम मुख्यमंत्री सहायता निधी व धर्मादाय रुग्णालय मदत कक्ष तसेच सार्वजनिक गणेशोत्सव मंडळ यांच्या समन्वयाने राबविण्यात येत असलेल्या ‘श्री गणेशा आरोग्याचा’ या आरोग्य अभियानांतर्गत ११८ सप्टेंबर रोजी तांदूळवाडी येथील शिवनगर गणेश मंडळाच्या वतीने सामुदायिक आरोग्य तपासणी शिबिराचे आयोजन करण्यात आले. या शिबिरामध्ये शासकीय महिला ग्रामीण रुग्णालय, बारामती येथील तज्ज्ञ डॉक्टरांनी परिसरातील नागरिकांची विविध आजारांसाठी तपासणी केली. यावेळी रोगनिदान, आवश्यक शस्त्रक्रियांसाठी मार्गदर्शन, रक्त तपासणी, ईसीजी तसेच इतर विविध वैद्यकीय तपासण्या मोफत करण्यात आल्या. तपासणीनंतर गरजेनुसार नागरिकांना औषधांचे वाटपही करण्यात आले. या उपक्रमादरम्यान नागरिकांना आयुष्मान भारत कार्ड मोफत काढून देण्याची सुविधाही उपलब्ध करून देण्यात आली. त्यामुळे परिसरातील नागरिकांनी या उपक्रमाला उत्स्फूर्त प्रतिसाद दिला. शिबिरात १५० हून अधिक नागरिकांनी सहभाग घेऊन आरोग्य तपासणी करून घेतली. या...

प्रबोधनकार केशव सीताराम ठाकरे यांच्या जयंतीनिमित्त प्रशासनाकडून अभिवादन बारामती : प्रबोधनकार केशव सीताराम ठाकरे यांच्या जयंतीनिमित्त उपविभागीय अधिकारी उत्तम दिघे यांनी उपविभागीय कार्यालयात प्रबोधनकार ठाकरे यांच्या प्रतिमेस पुष्पहार अर्पण करून अभिवादन केले. यावेळी नायब तहसिलदार प्रतिभा शिंदे यांच्यासह उपविभागीय कार्यालयातील कर्मचारी उपस्थित होते. तहसील कार्यालयात अभिवादन. तहसिलदार स्वप्नील रावडे यांनी केशव सीताराम ठाकरे ऊर्फ प्रबोधनकार यांच्या जयंतीनिमित्त त्यांच्या प्रतिमेस पुष्पहार अर्पण करून अभिवादन केले. यावेळी तहसिल कार्यालयातील अधिकारी व कर्मचारी उपस्थित होते.

दिवंगत उपमुख्यमंत्री अजित पवार यांच्या  प्रतिमेला अभिवादन करत गणेशमूर्तीची स्थापना. मंडळातील सदस्य राजेंद्र गायकवाड सरांना अभिवादन; यंदा साधेपणाने गणेशोत्सव साजरा करण्याचा निर्णय सोमेश्वरनगर : प्रतिनिधी अष्टविनायक मित्र मंडळ (करंजेपूल गायकवाडवस्ती, बारामती ) गणेशाच्या आगमना दिवशी दिवंगत उपमुख्यमंत्री अजित पवार यांच्या स्मृतींना अभिवादन करत तसेच गणेश मंडळातील सदस्य राजेंद्र गायकवाड सर यांना श्रद्धांजली अर्पण करून गणेशमूर्तीची विधिवत स्थापना करण्यात आली. यावेळी मंडळातील पदाधिकारी, सदस्य व परिसरातील गणेशभक्त उपस्थित होते. गेले २२ वर्ष मंडळाच्या माध्यमातून विविध सांस्कृतिक कार्यक्रम होत असतात परंतु यावर्षी गणेशोत्सवाच्या निमित्ताने यंदा कोणताही अनावश्यक खर्च किंवा दिखावा न करता साधेपणाने गणेशोत्सव साजरा करण्याचा निर्णय गणेश मंडळाकडून घेण्यात आला आहे. सामाजिक बांधिलकी जपत विविध उपक्रम राबविण्यावर मंडळाचा भर राहणार असल्याची माहिती मंडळाच्या वतीने देण्यात आली. गणेशमूर्ती स्थापना प्रसंगी दिवंगत अजित पवार यांच्या कार्याच्या स्मृतींना उजाळा देण्यात आला. तसेच मंडळाचे सदस्य कै. र...

मु.सा. काकडे महाविद्यालयात आविष्कार संशोधन स्पर्धा मार्गदर्शन कार्यशाळा संपन्न सोमेश्वरनगर प्रतिनिधी : सावित्रीबाई फुले पुणे विद्यापीठ, पुणे व मु.सा. काकडे महाविद्यालय सोमेश्वरनगर,अंतर्गत गुणवत्ता हमी कक्ष तसेच आविष्कार संशोधन स्पर्धा समिती यांच्या संयुक्त विद्यमाने आविष्कार संशोधन स्पर्धा मार्गदर्शन कार्यशाळेचे आयोजन मु.सा. काकडे महाविद्यालयमध्ये करण्यात आले होते. महाविद्यालयीन विद्यार्थ्यांमध्ये संशोधन वृत्ती विकसित व्हावी तसेच विद्यार्थ्यांकडून नाविन्यपूर्ण संशोधन प्रकल्प तयार व्हावेत व असे संशोधन प्रकल्प समाज हितासाठी उपयोगी ठरावेत या उद्देशाने आविष्कार संशोधन स्पर्धेचे आयोजन दरवर्षी केले जाते. या राज्यस्तरीय संशोधन स्पर्धेमध्ये विद्यार्थ्यांनी आवर्जून सहभागी व्हावे असे प्रतिपादन अण्णासाहेब मगर महाविद्यालय हडपसरचे प्रा. डॉ. किरण रणदिवे यांनी केले. प्रा. डॉ.किरण रणदिवे यांनी आविष्कार संशोधन स्पर्धेसाठी प्रकल्प कसे तयार करावेत आणि प्रकल्पांचा पेटंट पर्यंतचा प्रवास कसा करावा याचबरोबर स्पर्धेविषयीच्या नियम व अटी यावर्षी सविस्तर मार्गदर्शन केले.       ...

विघ्नहर्ता गणपती बाप्पाचे घरोघरी स्वागत; गणेश मंडळेही सज्ज. गणेशोत्सवाच्या पार्श्वभूमीवर भक्तिमय वातावरण; आकर्षक सजावट व विद्युत रोषणाईने परिसर उजळला सोमेश्वरनगर : प्रतिनिधी विघ्नहर्ता श्री गणरायाच्या आगमनाची सर्वत्र उत्सुकता असून, गणेशोत्सवाच्या पार्श्वभूमीवर घरोघरी गणपती बाप्पाच्या स्वागताची जय्यत तयारी करण्यात आली आहे. घराघरांत आकर्षक सजावट, फुलांची आरास आणि गणेशमूर्तीची प्रतिष्ठापना करण्यासाठी भक्तांची लगबग सुरू झाली आहे. गणेशोत्सवाच्या निमित्ताने विविध गणेश मंडळेही सज्ज झाली असून, मंडप उभारणी, आकर्षक देखावे, विद्युत रोषणाई आणि फुलांची सजावट यांना अंतिम स्वरूप देण्यात येत आहे. परिसरात “गणपती बाप्पा मोरया, मंगलमूर्ती मोरया”च्या जयघोषाने भक्तिमय वातावरण निर्माण झाले आहे. लहानांपासून ज्येष्ठांपर्यंत सर्वांमध्ये गणेशोत्सवाचा उत्साह दिसून येत असून, अनेक कुटुंबांनी पर्यावरणपूरक गणेशमूर्तीला पसंती दिली आहे. गणेश मंडळांकडूनही सामाजिक, सांस्कृतिक आणि प्रबोधनात्मक उपक्रमांचे आयोजन करण्याची तयारी सुरू आहे. दरम्यान, गणरायाच्या आगमनाने परिसरात आनंदाचे आणि उत्साहाचे वातावरण निर्माण झ...

बारामती तालुक्यात १९५ ब्रास गौणखनिज साठ्याच्या विक्रीसाठी निविदा बारामती : बारामती तालुक्यातील होळ-सस्तेवाडी प्रादेशिक पाणीपुरवठा योजनेतील साठवण तलावाच्या उत्खननातून निघालेली माती, मुरूम व दगड आदी गौणखनिज साठ्याची विक्री करण्यासाठी निविदा मागविण्यात आल्या आहेत. इच्छुक अर्जदारांनी १७ सप्टेंबर २०२६ रोजी दुपारी ३ वाजेपर्यंत बंद लिफाफ्यात निविदा निवासी नायब तहसिलदार, बारामती यांच्याकडे निविदा सादर कराव्यात असे कळविण्यात आले आहे.  जिल्हाधिकारी कार्यालय, खनिकर्म शाखा, पुणे यांच्या सूचनेनुसार ही प्रक्रिया राबविण्यात येत आहे. जलजीवन मिशन कार्यक्रमांतर्गत होळ-सस्तेवाडी प्रादेशिक पाणीपुरवठा योजनेतील साठवण तलावाच्या उत्खननातून उपलब्ध झालेला १९५ ब्रास माती, मुरूम व दगड साठा निविदेद्वारे विक्रीसाठी उपलब्ध आहे.  या साठ्यासाठी १ लाख १७ हजार रुपये लघुत्तम किंमत निश्चित करण्यात आली आहे. निविदेसोबत २५ हजार रुपयांचा अनामत रकमेचा धनादेश तहसिलदार, बारामती यांच्या नावे सादर करणे आवश्यक आहे. तसेच अर्जदाराने आधारकार्ड व पॅनकार्डद्वारे ओळखीचा पुरावा सादर करणे बंधनकारक आहे. निविदा सादर करण्...

श्री क्षेत्र सोमेश्वर मंदिरात श्रावण मास सांगता समारोप भक्तिमय वातावरणात. फोटो ओळ : लालासाहेब नलवडे यांनी सोमेश्वर देवस्थान जर्णोधार देणगी दिल्याबद्दल त्यांचा सत्कार. सोमेश्वरनगर : प्रतिनिधी बारामती तालुक्यातील करंजे येथील प्रसिद्ध श्री क्षेत्र सोमेश्वर मंदिरात श्रावण महिन्यानिमित्त आयोजित करण्यात आलेल्या यात्रा उत्सवाचा श्रावण मास सांगता समारोप शुक्रवार, दि. ११ सप्टेंबर रोजी भक्तिमय वातावरणात संपन्न झाला. श्रावण महिन्यात श्री क्षेत्र सोमेश्वर येथे महिनाभर विविध धार्मिक कार्यक्रमांचे आयोजन केले जाते. श्रावणातील प्रत्येक सोमवारी विविध जिल्ह्यांतून हजारो शिवभक्त स्वयंभू सोमेश्वर शिवलिंगाच्या दर्शनासाठी येत असतात. यंदाही संपूर्ण श्रावण महिन्यात मंदिर परिसरात भाविकांची मोठी गर्दी पाहायला मिळाली. सांगता समारोप कार्यक्रमानिमित्त लुई बेल अपंग संस्था वाघोली पुणे यांच्या वतीने भगवदगीता तसेच भक्तिगीतांचा कार्यक्रम आयोजित करण्यात आला होता. साध संगीत स्वरगंध ग्रुपचे तेजस कदम व पुरुषोत्तम करडे यांनी भक्तिमय गीतांची प्रस्तुती केली. त्यांच्या योगदानाबद्दल कै. युवराज अण्णा मगर यांच्या स्मर...

तुळजाराम चतुरचंद महाविद्यालय व योद्धा प्रॉडक्शनमध्ये सामंजस्य करार संपन्न बारामती : अनेकांत एज्युकेशन सोसायटीचे तुळजाराम चतुरचंद महाविद्यालय, बारामती आणि योद्धा प्रॉडक्शन, बारामती यांच्यात विद्यार्थ्यांच्या कलागुणांना वाव देणे, कला व सांस्कृतिक क्षेत्रातील कौशल्य विकासाला चालना देणे तसेच विद्यार्थ्यांना वेगळे व्यासपीठ व संधी उपलब्ध करून देण्याच्या उद्देशाने सामंजस्य करार (MoU) संपन्न झाला. या सामंजस्य कराराच्या माध्यमातून विद्यार्थ्यांना अभिनय, नाट्य, लघुपट व चित्रपट निर्मिती, नाट्यदिग्दर्शन, लेखन, नृत्य, संगीत तसेच विविध कला क्षेत्रांमध्ये प्रशिक्षण व मार्गदर्शन मिळणार आहे. तसेच कार्यशाळा, प्रशिक्षण शिबीरे, सांस्कृतिक उपक्रम, ऑडिशन व प्रत्यक्ष प्रकल्पांच्या माध्यमातून विद्यार्थ्यांना कला क्षेत्रातील अनुभव घेण्याची संधी उपलब्ध होणार आहे. महाविद्यालयाचे प्राचार्य डॉ.अविनाश जगताप यांच्या मार्गदर्शनाखाली हा उपक्रम राबविण्यात येत असून, महाविद्यालयाच्या सांस्कृतिक विभागाच्या माध्यमातून विद्यार्थ्यांच्या कलागुणांना योग्य दिशा देण्यासाठी विविध उपक्रमांचे आयोजन करण्यात येणार आहे. य...

श्री सोमेश्वर सह. साखर कारखाना निवडणूक : निवृत्ती शेंडकर यांचा तुतारी गटाकडून उमेदवारी अर्ज दाखल सोमेश्वरनगर : प्रतिनिधी श्री सोमेश्वर सहकारी साखर कारखान्याच्या पंचवार्षिक निवडणुकीच्या पार्श्वभूमीवर करंजेपूल गावचे अभ्यासू व्यक्तिमत्त्व, माजी सरपंच तसेच करंजे सोसायटीचे चेअरमन श्री. निवृत्ती शेंडकर (बिंटूआण्णा) यांनी सोमेश्वर साखर कारखान्याच्या निवडणुकीच्या पार्श्वभूमीवर मुरुम-वाल्हे गटातून निवृत्ती (बिंटूआण्णा) शेंडकर. यांनी राष्ट्रवादी काँग्रेस (शरदचंद्रजी पवार गट) तुतारी गटाकडून आपला उमेदवारी अर्ज दाखल केला.  यावेळी त्यांच्या समर्थकांसह पदाधिकारी व कार्यकर्ते मोठ्या संख्येने उपस्थित होते. शेंडकर यांच्या उमेदवारीमुळे करंजेपूल परिसरातील निवडणुकीच्या राजकीय हालचालींना वेग आला असून, त्यांच्या उमेदवारीकडे सभासदांचे लक्ष लागले आहे.

शेतकरीहितासाठी आधुनिक तंत्रज्ञान व मूल्यवर्धित उत्पादनांवर भर द्यावा -उपमुख्यमंत्री सुनेत्रा अजित पवार श्री सोमेश्वर सहकारी साखर कारखाना शेतकरी मेळावा सोमेश्वरनगर : शेतकऱ्यांचे उत्पन्न वाढविण्यासाठी आधुनिक तंत्रज्ञानाचा प्रभावी वापर, उत्पादन खर्चात बचत आणि शेतीचे अर्थकारण मजबूत करण्यावर भर देणे आवश्यक आहे. बदलत्या हवामान परिस्थिती आणि वाढत्या उत्पादन खर्चाच्या पार्श्वभूमीवर कृषी व साखर क्षेत्राने आधुनिक तंत्रज्ञान, मूल्यवर्धित उत्पादन आणि अचूक नियोजनाचा स्वीकार करून शेतकरीहिताला सर्वोच्च प्राधान्य द्यावे, असे प्रतिपादन उपमुख्यमंत्री श्रीमती सुनेत्रा अजित पवार यांनी केले. सोमेश्वर सहकारी साखर कारखाना सोमेश्वरनगर येथे आयोजित शेतकरी मेळाव्यात त्या बोलत होत्या. यावेळी मदत व पुनर्वसन मंत्री मकरंद आबा पाटील, आमदार सचिन पाटील, माजी आमदार संभाजी कुंजिर, पीडीसीसी बँक, पुणेचे अध्यक्ष डॉ. दिगंबर दुर्गाडे, कारखान्याचे अध्यक्ष पुरुषोत्तम जगताप, उपाध्यक्ष किसन तांबे, माजी अध्यक्ष व विद्यमान संचालक राजवर्धन शिंदे आदी उपस्थित होते. उपमुख्यमंत्री श्रीमती पवार म्हणाल्या की, शेतकरी हा ग्रामीण...

करंजे गाव प्रवेशद्वारावर लोकनेते अजितदादा पवार यांचे नाव ‘I LOVE करंजे’ डिजिटल बोर्ड व आकर्षक विद्युत रोषणाई; उपमुख्यमंत्री सुनेत्रा पवार यांच्या शुभहस्ते लोकार्पण. सोमेश्वरनगर : प्रतिनिधी बारामती तालुक्यातील करंजे गावाच्या प्रवेशद्वाराला आधुनिक आणि आकर्षक स्वरूप देण्यात आले असून, प्रवेशद्वारावर ‘करंजे’ नामकरणासह ‘I LOVE करंजे’ असा डिजिटल आकर्षक बोर्ड उभारण्यात आला आहे. आकर्षक विद्युत रोषणाईने सजविण्यात आलेले हे प्रवेशद्वार ग्रामस्थांसह ये-जा करणाऱ्या नागरिकांचे विशेष लक्ष वेधून घेत आहे. लोकनियुक्त सरपंच भाऊसो हुंबरे यांच्या संकल्पनेतून साकारलेल्या या उपक्रमामुळे करंजे गावाच्या सौंदर्यात भर पडली आहे. शेखर भाऊ भगत यांनी आपले चुलते अरविंद भगत व रामभाऊ भगत यांच्या स्मरणार्थ ‘I LOVE करंजे’ हा डिजिटल आकर्षक बोर्ड गावासाठी उपलब्ध करून दिला आहे. या भव्य प्रवेशद्वाराचे उद्घाटन उपमुख्यमंत्री सुनेत्रा पवार यांच्या शुभहस्ते करण्यात आले. यावेळी ग्रामपंचायत सदस्य ग्रामस्थ आजी-माजी पदाधिकारी मोठ्या संख्येने उपस्थित होते. आधुनिक डिजिटल तंत्रज्ञान, आकर्षक लाइटिंग आणि बारामती तालुक्यात अठरा...

उपमुख्यमंत्री सुनेत्रा पवार यांनी सोमेश्वर मंदिरात फौजी बांधवांना बांधली राखी श्रावण महिन्यानिमित्त स्वयंभू शिवलिंगाचे दर्शन घेतले सोमेश्वरनगर : (संपादक विनोद गोलांडे) रक्षाबंधनाच्या पवित्र पर्वानिमित्त बारामती तालुक्यातील करंजे येथील प्रसिद्ध श्री सोमेश्वर मंदिरात उपमुख्यमंत्री सुनेत्रा पवार यांनी भेट देत फौजी बांधवांना राखी बांधून रक्षाबंधन साजरे केले. देशाच्या सुरक्षेसाठी अहोरात्र सेवा बजावणाऱ्या सैनिकांप्रती कृतज्ञता व्यक्त करत त्यांनी फौजी बांधवांना रक्षाबंधनाच्या शुभेच्छा दिल्या. यावेळी श्रावण महिन्यानिमित्त श्री सोमेश्वर मंदिरातील स्वयंभू शिवलिंगाचे दर्शन घेत उपमुख्यमंत्री सुनेत्रा पवार यांनी धार्मिक वातावरणात पूजा-अर्चना केली. मंदिर परिसरात भाविकांची मोठी गर्दी होती. फौजी बांधवांना राखी बांधून त्यांच्या सेवेला सलाम करताना सुनेत्रा पवार यांनी देशसेवेसाठी कार्यरत असलेल्या जवानांप्रती आदर आणि कृतज्ञता व्यक्त केली. या प्रसंगी मंदिर परिसरात भक्तिमय व उत्साहाचे वातावरण निर्माण झाले होते.

शिक्षक दिनानिमित्त निक्सा ग्रुपतर्फे विद्यार्थ्यांना स्पोर्ट्स ड्रेसचे वाटप सोमेश्वरनगर : प्रतिनिधी शिक्षक दिनाचे औचित्य साधून निक्सा ग्रुप ऑफ कंपनीजच्या वतीने विद्यार्थ्यांना स्पोर्ट्स ड्रेसचे वाटप चौधरवाडी येथील जिल्हा परिषद शाळांमध्ये  करण्यात आले. विद्यार्थ्यांच्या सर्वांगीण विकासाला प्रोत्साहन देण्याच्या उद्देशाने राबविण्यात आलेल्या या उपक्रमाचे उपस्थित मान्यवरांनी कौतुक केले. यावेळी विद्यार्थ्यांनी शिक्षक दिनानिमित्त आपली मनोगते व भाषणे सादर करून शिक्षकांप्रती कृतज्ञता व्यक्त केली. कार्यक्रमात नेक्सा ग्रुप ऑफ कंपनीजचे अध्यक्ष तथा राष्ट्रवादी काँग्रेस पक्ष (शरदचंद्र पवार) औद्योगिक सेल, बारामती तालुका अध्यक्ष निलेश दिलीप गायकवाड यांनी विद्यार्थ्यांना मार्गदर्शन करताना शिक्षणासोबतच क्रीडा क्षेत्रातही विद्यार्थ्यांनी उल्लेखनीय कामगिरी करावी, असे आवाहन केले. विद्यार्थ्यांना देण्यात आलेले स्पोर्ट्स ड्रेस निलेश गायकवाड यांच्या वतीने उपलब्ध करून देण्यात आले. कार्यक्रमास विद्यमान उपसरपंच प्रमिला पवार, ग्रामपंचायत सदस्य तानाजी भापकर, माजी सरपंच संदीप (भैया) चौधरी, नेक्सा ग्...

शाळा, महाविद्यालय परिसर तंबाखूमुक्त करण्यासाठी नागरिकांनी पोलीस प्रशासनास सहकार्य करावे – API जीवन मोहिते यांचे आवाहन सोमेश्वरनगर : प्रतिनिधी (संपादक विनोद गोलांडे) शाळा व महाविद्यालय परिसरात तंबाखूजन्य पदार्थांची विक्री व सेवन होऊ नये, यासाठी पोलीस प्रशासनाकडून विविध उपाययोजना राबविण्यात येत आहेत. या मोहिमेला अधिक प्रभावी करण्यासाठी सोमेश्वरनगर परिसरातील नागरिक, पालक, शिक्षक व दुकानदारांनी पोलीस प्रशासनास सहकार्य करावे, असे आवाहन वडगाव निंबाळकर पोलीस ठाण्याचे सहाय्यक पोलीस निरीक्षक जीवन मोहिते यांनी केले. शाळा-महाविद्यालयांच्या परिसरात तंबाखू, गुटखा, सिगारेट आदी पदार्थांची विक्री किंवा सेवन केल्याने विद्यार्थ्यांच्या आरोग्यावर गंभीर परिणाम होऊ शकतो. विद्यार्थ्यांना व्यसनापासून दूर ठेवण्यासाठी शैक्षणिक संस्थांच्या परिसरात तंबाखूमुक्त वातावरण निर्माण करणे गरजेचे आहे. तंबाखूजन्य पदार्थांची विक्री करणाऱ्या व्यावसायिकांनी नियमांचे पालन करावे. शाळा व महाविद्यालय परिसरात अशा पदार्थांची विक्री होत असल्याचे निदर्शनास आल्यास नागरिकांनी त्याची माहिती संबंधित पोलीस प्रशासनास द्यावी. व...

बारामती नगरपरिषदेतील कंत्राटी कामगारांच्या मागण्यांसाठी जनशक्ती कंत्राटी कामगार संघाचे निवेदन बारामती : बारामती नगरपरिषदेमार्फत नवीन कंत्राटाची प्रक्रिया सुरू असून, या पार्श्वभूमीवर कंत्राटी कामगारांच्या विविध मागण्यांकडे तातडीने लक्ष देण्यात यावे, यासाठी जनशक्ती कंत्राटी कामगार संघाच्या वतीने महाराष्ट्र राज्याच्या उपमुख्यमंत्री मा. ना. सुनेत्रावहिनी पवार तसेच राष्ट्रवादी काँग्रेस पक्षाचे शहराध्यक्ष मा. किरण इंगळे ,बारामती नगरपरिषद स्वच्छता वैद्यक व सार्वजनिक आरोग्य सभापती मा. नवनाथ बल्लाळ  यांना निवेदन देण्यात आले. नवीन ठेक्यामध्ये सध्या कार्यरत असलेल्या सर्व बारामतीमधील कंत्राटी कामगारांना कामावर कायम ठेवण्यात यावे व कोणत्याही कामगाराला कमी करू नये, अशी प्रमुख मागणी संघटनेने केली आहे. तसेच कामगारांना नियमानुसार किमान वेतन, पी.एफ., ESIS, बोनस आणि साप्ताहिक सुट्टी देण्यात यावी, अशी मागणी करण्यात आली आहे. तत्कालीन ठेकेदारांनी कामगारांच्या पी.एफ. व ESISची रक्कम नियमाप्रमाणे भरली आहे किंवा नाही, याची सखोल चौकशी करावी. चौकशी करताना संबंधित कामगारांचे म्हणणे ऐकून त्यांच्या क...

करंजे वि.का. स.सोसायटी चेअरमनपदी राहुल शेंडकर  निवड प्रसंगी उपस्थित सर्व संचालक व सभासद वर्ग. नवनिर्वचित चेअरमन  श्री राहुल निवृत्ती(बिंटू अण्णा ) शेंडकर  सोमेश्वरनगर प्रतिनिधी (संपादक - विनोद गोलांडे) करंजे विविध कार्यकारी सहकारी सोसायटी चेअरमनपदी राहुल शेंडकर यांची सर्वांनामते बुधवार दिनांक २ सप्टेंबर रोजी बिनविरोध निवड झाली. सोमेश्वरनगर करंजेपूल येथील करंजे विविध कार्यकारी सहकारी सोसायटीची स्थापना सन १९१८ मध्ये झाली सोमेश्वर पंचक्रोशीतील अनेक गावे आणि शेतकरी या संस्थेची जुनी नाळ जोडलेली आहे. पुणे जिल्हा मध्यवर्ती सहकारी बँकेमार्फत सोसायटीच्या माध्यमातून शेतकऱ्यांना विविध योजनांतर्गत कर्जवाटप करण्यात येते. त्यामध्ये पीककर्ज १.९० कोटी रुपये, मध्यम मुदतीचे कर्ज २.२५ कोटी रुपये तसेच विविध योजनांतर्गत इतर कर्जांचा समावेश आहे. संस्थेचे भागभांडवल जवळपास १ कोटी रुपये असून, व्यापारी गाळ्यांच्या भाड्यापोटी संस्थेला उत्पन्न मिळते. तसेच संस्थेची कर्जवसुली ८० टक्के आहे. या प्रसंगी सर्व संचालक व सभासदांनी चेअरमन पदासाठी राहुल शेंडकर यांना एकमताने अनुमोदन दिले. ...

वडगाव निंबाळकर पोलीस ठाण्यात रक्षाबंधनाचा स्नेहबंध. महिला पदाधिकाऱ्यांकडून पोलीस बांधवांना राखी बांधून कृतज्ञता व्यक्त सोमेश्वरनगर / वडगाव निंबाळकर : प्रतिनिधी रक्षाबंधनाच्या पवित्र पर्वानिमित्त बारामतीतील वडगाव निंबाळकर पोलीस स्टेशन येथे महिला पदाधिकारी व सामाजिक कार्यकर्त्यांनी पोलीस बांधवांना राखी बांधून रक्षाबंधनाचा सण उत्साहात साजरा केला. यावेळी राष्ट्रवादी काँग्रेसच्या महिला तालुका अध्यक्ष व सामाजिक कार्यकर्त्या ज्योतीताई लडकत तसेच पूजा गणेश जगताप, मीना दशरथ जगताप, शोभा गोरख जगताप, राणी बजरंग जाधव आणि सौ. हेमा गणेश खोडके यांनी पोलीस स्टेशनला भेट देऊन पोलीस बांधवांच्या मनगटावर राखी बांधली. पोलीस बांधव दिवस-रात्र आपल्या कर्तव्यावर तत्पर राहून समाजाच्या सुरक्षिततेसाठी महत्त्वपूर्ण योगदान देत असतात. त्यांच्या कार्याबद्दल कृतज्ञता व्यक्त करत भाऊ-बहिणीच्या प्रेम, आपुलकी आणि विश्वासाचे प्रतीक असलेला रक्षाबंधनाचा सण यावेळी आनंददायी वातावरणात साजरा करण्यात आला. या उपक्रमातून पोलीस आणि नागरिकांमधील आपुलकी, विश्वास व सामाजिक बांधिलकीचा स्नेहबंध अधिक दृढ झाला.

श्रावण महिन्यातील शेवटच्या सोमवारचा श्री सोमेश्वर पालखी सोहळा व यात्रा नियोजन बैठक. श्री सोमेश्वर मंदिर येथे बुधवार दि २ सप्टेंबर रोजी सायंकाळी ५ वाजता होणार संपन्न. सोमेश्वरनगर प्रतिनिधी   दरवर्षीप्रमाणे याही वर्षी श्रावण महिन्यातील शेवटच्या सोमवार दिन ७ सप्टेंबर रोजी असून श्री सोमेश्वर पालखी सोहळा व यात्रा उत्सव संपन्न होणार आहे. या अनुषंगाने नियोजन बैठक करण्यासाठी बुधवार दिनांक 2 सप्टेंबर रोजी सायंकाळी ५ वाजता श्री सोमेश्वर देवस्थान ऑफिस शेजारील जागेत मंदिराच्या प्रांगणात मीटिंग आयोजन करण्यात आले असल्याची माहिती देवस्थान ट्रस्ट यांनी दिली आहे. आयोजित बैठक वेळी वडगाव निंबाळकर पोलीस ठाण्याचे सहाय्यक पोलीस निरीक्षक जीवन मोहिते यांच्या अध्यक्षतेखाली पार पडणार आहे. बैठकीदरम्यान सोमेश्वर पंचक्रोशीतील आजी माजी पदाधिकारी व नागरी ग्रामस्थ तसेच आंबवळे,जळगाव , को-हाळे येथील मानकरी यांनी उपस्थित राहावे अशी माहिती देवस्थान ट्रस्ट यांनी दिली.

पुणे जिल्हा आंतर महाविद्यालयीन ज्युदो स्पर्धेत काकडे महाविद्यालयाच्या मुलींच्या संघास सांघिक विजेतेपद पुणे/सोमेश्वरनगर- भारतीय जैन संघटना महाविद्यालय वाघोली येथे दिनांक 31 ऑगस्ट 2026 रोजी पार पडलेल्या पुणे जिल्हा आंतर महाविद्यालयीन स्पर्धेत मु .सा. काकडे महाविद्यालयाच्या मुलींच्या संघाने विजेतेपद मिळवले मुलांच्या संघाने सांघिक उपविजेतेपद मिळवले स्पर्धेतील विजयी खेळाडू  मुलीमध्ये काजल जगताप ४८  किलो प्रथम क्रमांक , पोर्णिमा मोटे ५२ किलो द्वितीय क्रमांक, सायली जगताप ५७ किलो प्रथम क्रमांक , समर्था ठोंबरे ५७ किलो व्दितीय क्रमांक , पूर्वा गोरे ६३ किलो द्वितीय क्रमांक मुलांमध्ये प्रथमेश चाबुकस्वार ६० किलो तृतीय क्रमांक , आदित्य पवार ७३  किलो द्वितीय क्रमांक , तानाजी घोरपडे ८१  किलो द्वितीय क्रमांक , जय करचे १०० किलो द्वितीय क्रमांक मिळवल्याबद्दल  खेळाडूंचे संस्थेचे अध्यक्ष सतीशराव काकडे-देशमुख महाविद्यालयीन विकास समितीचे अध्यक्ष अभिजीत काकडे- देशमुख महाविद्यालयाचे प्राचार्य डॉ.देविदास वायदंडे संस्थेचे सचिव सतीश लकडे यांनी अभिनंदन केले व श्रीगोंदा येथे...

सूचना...गणेशोत्सव मिरवणुकीमध्ये लेझर लाईटचा वापर करण्यास निर्बंध पुणे : जिल्ह्यातील सार्वजनिक गणेशोत्सव विसर्जन मिरवणूक शांततेत पार पडाव्यात आणि कायदा व सुव्यवस्थेचा व नागरिकांच्या आरोग्याच्या दृष्टीने १४ ते २५ सप्टेंबर पर्यंत अनंत चतुर्दशीचे गणपती विसर्जन मिरवणुकीमध्ये लेझर लाईटचा वापर करण्यास जिल्हाधिकारी जितेंद्र डुडी यांनी निर्बंध लागू केले आहेत.  या आदेशाचा भंग करून गणपती विसर्जनाचे मिरवणुकीमध्ये लेझर लाईटचा वापर करताना आढळून आल्यास अशा व्यक्ती, संस्था, मंडळे यांच्यावर भारतीय न्याय संहितेचे कलम २२३ मधील तरतुदी व प्रचलित कायद्यान्वये शिक्षेस, कायदेशीर कारवाईस पात्र राहतील याची नोंद घ्यावी, असेही कळविण्यात आले आहे.