बारामती प्रभात न्यूज

हनुमंत चांदगुडे यांच्या ‘आडतास’ला विद्यापीठाची मोहोर; एम.ए. मराठीच्या अभ्यासक्रमात समावेश सोमेश्वरनगर - सुपे (ता बारामती)येथील सुप्रसिद्ध कवी व गीतकार हनुमंत चांदगुडे यांच्या ‘आडतास’ या काव्यसंग्रहाचा सावित्रीबाई फुले पुणे विद्यापीठाच्या शैक्षणिक वर्ष २०२६-२७ च्या एम.ए. मराठी अभ्यासक्रमात समावेश करण्यात आला आहे. त्यामुळे सुपेसह बारामतीच्या साहित्य क्षेत्रात आनंदाचे वातावरण निर्माण झाले आहे. सावित्रीबाई फुले पुणे विद्यापीठाच्या एम.ए. मराठी अभ्यासक्रमातील ‘साहित्यनिर्मिती प्रक्रिया, साहित्यनिर्मितीचे सिद्धांत-व्यवहार आणि स्वरूप’ या अभ्यासघटकासाठी ‘आडतास’ या काव्यसंग्रहाची निवड करण्यात आली आहे. विशेष म्हणजे, या काव्यसंग्रहातील ‘लेक’ या कवितेचा यापूर्वीच एफ.वाय.बी.ए.च्या अभ्यासक्रमात समावेश करण्यात आला आहे.

खळदच्या महाआरोग्य शिबिरात अवयवदाते कुटुंबाचा उपमुख्यमंत्री सुनेत्रा अजित पवार यांच्या हस्ते सन्मान बारामती : पुरंदर तालुक्यातील नागरिकांसाठी स्व.अजितदादा पवार यांच्या जयंतीनिमित्त खळद येथे आयोजित महाआरोग्य शिबिरात अवयवदाते सुबनावळ कुटुंबीयांचा उपमुख्यमंत्री सुनेत्रा अजित पवार यांच्या हस्ते सत्कार करण्यात आला.  मागील वर्षी इंदापूर तालुक्यातील कै. हिराबाई सुबनावळ यांचे ब्रेनडेड झाल्यानंतर उपमुख्यमंत्री वैद्यकीय सहायता कक्षामार्फत कुटुंबीयांचे समुपदेशन करण्यात आले होते. त्यानंतर त्यांचे पुत्र कैलास सुबनावळ यांनी अवयवदानासाठी सहमती दर्शविली. त्यांच्या या धाडसी आणि मानवतावादी निर्णयामुळे तब्बल पाच जणांना जीवनदान मिळाले. यावेळी कैलास सुबनावळ यांनी, “जळून राख होण्यापेक्षा आईला अवयवदानरूपी जिवंत ठेवले,” अशी भावना व्यक्त केली. इंदापूर तालुक्यातील एका छोट्या गावातील कुटुंबाने घेतलेला हा सामाजिकदृष्ट्या प्रेरणादायी निर्णय समाजासाठी आदर्श ठरत आहे.  या शिबिरात तब्बल ८ हजार ८८० लाभार्थींनी आरोग्यसेवेचा लाभ घेतला. शिबिरात तपासणीदरम्यान सुमारे २ हजार रुग्णांमध्ये विविध आजारांचे नि...

उपमुख्यमंत्री सुनेत्रा अजित पवार यांनी बारामती तालुक्यातील विकासकामांची केली पाहणी मयुरेश्वर मंदिराचा पुरातन वारसा जपत दर्जेदार कामे करा ; उपमुख्यमंत्र्यांनी दिले निर्देश बारामती : श्री क्षेत्र मयुरेश्वर गणपती मंदिराचे पुरातन व धार्मिक महत्त्व जपत प्राचीन वास्तूचे मूळ स्वरूप अबाधित ठेवून आधुनिक सुविधांचा समन्वय साधावा. मंदिर परिसरातील विकास व जीर्णोद्धाराची कामे मंजूर आराखड्यानुसार दर्जेदार आणि गुणवत्तापूर्ण पद्धतीने पूर्ण करावीत, अशा सूचना उपमुख्यमंत्री सुनेत्रा अजित पवार यांनी आज दिल्या. उपमुख्यमंत्री श्रीमती पवार यांनी बारामती तालुक्यातील श्री क्षेत्र मयुरेश्वर गणपती मंदिर परिसर तसेच मेडद येथील स्व. अजितदादा पवार शासकीय आयुर्वेदिक महाविद्यालय व रुग्णालयाची पाहणी केली. यावेळी त्यांनी संबंधित अधिकारी व पदाधिकाऱ्यांकडून सुरू असलेल्या तसेच प्रस्तावित विकासकामांची माहिती घेतली. श्री क्षेत्र मयुरेश्वर मंदिर परिसरातील कामांचा आढावा घेताना श्रीमती पवार म्हणाल्या, मंदिराच्या जिर्णोद्धाराची कामे मंजूर आराखड्यानुसारच करण्यात यावीत. मंदिर परिसर आणि गाभाऱ्यातील स्वच्छतेला सर्वोच्च प्...

15011 Cusecs इतका विसर्ग निरा नदीपात्रात सुरू, सावधानतेचा इशारा. सावधानतेचा इशारा l वीर धरण, ता. पुरंदर, पुणे दिनांक 08/08/2026 रोजी वीर धरणाची पाणी पातळी नियंत्रित करणेसाठी धरणाच्या सांडव्यावरून विसर्ग वाढवून 13911 Cusecs व अतिवाहका द्वारे 1100 Cusecs असा एकूण 15011 Cusecs इतका विसर्ग निरा नदीपात्रात सुरू करण्यात आला आहे. तसेच पावसाच्या प्रमाणानुसार व येव्यानूसार विसर्ग पुन्हा कमी/जास्त करण्याची शक्यता आहे याची नोंद घेण्यात यावी.

भारतीय युवा पँथर संघटनेचा पाचवा वर्धापन दिन पीडित, शोषित आणि वंचितांच्या न्यायासाठी पाच वर्षांचा संघर्षमय प्रवास बारामती प्रतिनिधी l पीडित, शोषित आणि वंचित घटकांना न्याय मिळवून देण्यासाठी, त्यांच्या हक्कांसाठी आवाज उठविण्यासाठी आणि अन्यायाविरोधात संघर्ष करण्याच्या उद्देशाने भारतीय युवा पँथर संघटनेने आपल्या सामाजिक कार्याची सुरुवात केली. आज संघटनेचा पाचवा वर्धापन दिन साजरा होत असून, गेल्या पाच वर्षांच्या सामाजिक वाटचालीकडे पाहताना संघटनेच्या कार्याचा निश्चितच अभिमान वाटतो. सामाजिक कार्याची आवड आणि समाजातील दुर्बल घटकांसाठी काहीतरी करण्याची प्रामाणिक भावना मनात ठेवून संघटनेचे संस्थापक अध्यक्ष गौरव अहिवळे यांनी भारतीय युवा पँथर संघटनेची स्थापना केली. अन्यायग्रस्त व्यक्तीला न्याय मिळवून देणे, गरजूंच्या अडचणी प्रशासनापर्यंत पोहोचवणे आणि समाजातील वंचित घटकांना त्यांच्या हक्कांची जाणीव करून देणे, हा संघटनेच्या कार्याचा केंद्रबिंदू राहिला आहे. गेल्या पाच वर्षांत संघटनेने विविध सामाजिक प्रश्नांवर आवाज उठविताना पीडितांच्या पाठीशी खंबीरपणे उभे राहण्याचे काम केले आहे. अन्याय, शोषण, भे...

श्रावण महिन्यानिमित श्री सोमेश्वर मंदिर हद्दीतील पार्किंग लिलाव उद्या रविवार रोजी होणार संपन्न.  सोमेश्वरनगर प्रतिनिधी l बारामती तालुक्यातील प्रसिद्ध श्री क्षेत्र सोमेश्वर मंदिर देवस्थान आहे . श्रावणमास सुरुवात गुरुवार दि 13 रोजी सुरू होणार असून श्रावण महिन्यामध्ये प्रतिसोरिटी सोमनाथाचे प्रति रूप मानले जाणारे करंजे-देऊळवाडी येथील श्री क्षेत्र सोमेश्वर स्वयंभू शिवलिंग आहे. स्वयंभू शिवलिंग चे दर्शन घेण्यासाठी विविध जिल्ह्यातूनच नव्हे तर परराज्यातून शिवभक्त भाविक येत असतात.  श्रावण महिन्यानिमित्त सोमेश्वर मंदिर हद्दीत दर वर्षी प्रमाणे दुचाकी ,चार चाकी  पार्किंग साठी जागा व त्या संदर्भात लिलाव ( डिपॉझिट स्वरूपात 500 रुपये) आकारले जातील उद्या रविवार दिनांक 9 /8/2026  रोजी सध्यकाळी 4 वाजता सोमेश्वर मंदिर मध्ये हा निलाव होणार असून सोमेश्वर पंचक्रोशीतील आजी-माजी पदाधिकारी व इच्छुक ग्रामस्थांनी आपला सहभाग नोंदवावा असे नम्र आवाहन देवस्थान ट्रस्ट यांनी माहिती देत केली.